LA PLAGE DE DIEPPE

 

 

Dieppeko hondartzan,

gorpuek, ontzi eta tanke suntsituek

bistara utzi zuten lazkeria.

Haitzetatik, bajak eragin zituen etsaien suak.

Soldaduek ezin izan zuten hareatza zeharkatu.

 

Eva Gonzalesek hemeretzi modutan

kontatu zuen plaia hori

pastel tonuei isuri zaien kadentasunez

ehun urte lehenago,

erditze-sukarren ondorioz hil aurretik.

 

Dieppe, leku-izen bat,

karta sorta baten moduan

nire elkarketa-joera banatu eta batzen.

 

Batzuetan, eszenatokiak

trangatuta geratzen dira

beste gatazka batzuk abiatzen diren tokian.