LA FOLLE

Aldapan gora nindoan talaiarantz. Min ematen zidaten garangorri alferrik galduek. Zer basurdek harrotu ote zuen basatza arraun zaharrak halako adarrak zeuzkan pagoaren oinetan. Nonbait behar zuen zeruak, ubarroiz beteta; eta itsasoak, izurdez. Ba omen zen nonbait iturri bat. Ba omen zen norbait deika. Eta nik ezin aditu. Taroteko zoroa lez nindoan, lurra herraz zapalduz munduak bere birak egin zitzan, baina ni jiratzeke, piztia baten haginak orkatilan.