MATXARDA

Potocki palazioan korridoreak eta leihateak,

piano buztanduna, petit point alfonbrak.

Askoren artean, olio-pintura bat.

Paisaia oihantsua da, itzal-argiz nabartua.

Emakumeak biluzik ibaian atsedentzen.

Erdian zu ardatz, Leda.

Zisnearen mokoa matxarda bat da.

Gorputza, zakuto bat zure kontra.

Sekretu bat daukat zuretzat, diotsu murmurka.

Pintoreak lizun nahi zuen zure ahoa,

baina izua darizu.

Nik sinesten dizut.