PATOLOGIA

Isiltasunaren erpinak estimatzen ditugu,

paraje horiek non orrialde zuriek

silikonazko junturek legez jokatzen duten

gure ahalen eta emaitzen artean.

Tabernak ere beharrezkoak ditugu,

ezen, zalapartaren erdian,

edozein probak zapitxo koipeztuek beste balio baitu

bezeroen oinazpietan.

Seinale hau jaiotzatikoa da,

fabrikako akatsa erabilerak leundua,

definizio eta salbazio dugun

idazkeraren estigma besterenezina.