AMETS BAT, LA REINE

Jaietako barraka bat portuan.

Ez dauka errotulurik.

Bera barruan dago, aulki batean jarrita.

Bere begiek hildako arrainak dirudite

(ni ikustea ote da tristatzen duena).

Apaletan ez dago ezer, ezer, ezer.

Ondo nago, esan dit, eta zu zer moduz?

Ni neure erreinuan, esan diot, bizkarra emanda.

Izotzaren erregina,

kontrahormak altxatzen bion larriminari

eta lurmentzeari berantetsita.