XV

Dantzaria

Tximeleta

ala erortzen ari den hostoa,

zein imitatu beharko nuke

nire dantzan?

Eta onartu beharko balu

bere oinekin ehundutako mundua

hostorik gabekoa dela, osatugabea?

Eta bertan behera utziko balu,

gontz moduko dantza hautsiko,

publikoa laxatuko balu?

Orduan ilargia txoratuko litzateke,

Ilargia, aingura gabe,

balantzaka jaitsiko litzateke lurrera

hondamendi lako musu baten bila.