Susa literatura

Pablo Sastreren seigarren nobela da Leuropa. Andoaingo bi gaztek Marokora egiten duten bidaldia kontatzen du, handik jendea kamioi batean gorderik ekartzeko joanak. “Errealitatea gogorra, gordina, zakarra, dramatikoa eta tragikoa den arren” laburtzen du Juan Luis Zabalak, “egiari ihes egin gabe baina alferrikako espanturik gabe eta paternalismorik gabe kontatzen du (…) Tximi da narratzailea, inozentea, motz samarra; bere begirada horretan dago nobelaren gakoa”.

kritikak:

Nobela interesgarri bat baino gehiago, Juan Luis Zabala, Maxixatzen, 2002-06-01

«Gaia gogorra da, gordina, zakarra, dramatikoa, tragikoa. Baina Pablo Sastrek, egiari eta egiaren alderdi ilunenei ihes egin gabe, gaia alferrikako espanturik gabe, asaldura faltsurik gabe eta pedagogia paternalistarik gabe ematen digu».

Mugarik gabeko begirada, Oier Guillan, Gara, 2002-06-29

«Liburuan bada Sussu deritzon pertsonaia erdi eroa; esaten denez, eroek egi handiak esaten dituzte. Europan ezberdintasunean sakontzeko proposamenak gero eta ageriagoak diren honetan, gogoetarako ariketa aproposak suerta daitezke halako liburuak».

Tximi susmagarri, Markos Zapiain, Euskaldunon Egunkaria, 2002-07-13

«Ezin ukatu ugari direla Tximirenaren tankerako ataka latzak inguruotan, eta Tximirena egiantzekoa dela, baina irudi horren osagai bakoitza eta efektu orokorra aztertuta, Dickensen eleberri batetik aterea dirudi».

Leuropa, Jon Kortazar, El País, 2002-07-29

«Nobelan hizkera miresten dut, orijinala agertzeko modua, eta diskurtso baten eraketa da hasieratik nobela, hizkera baten eta kontzientzia baten jarioa».

"Leuropa" eta "Paperezko hegazkinak", barrikuntzez blai, Edorta Jimenez, www.bizkaie.biz, 2002-08-15

«Ez dira denak maila berekoak izan Pablo Sastreren liburuak. Aitzitik, ekinaren ekinaz eleberri eder hau ekarri digu eta, hau poza, azkenean be. Hasieran esan dudan moduan, ausardiaz erditua da Leuropa».

Ametsezko paradisua, Javier Rojo, El Correo, 2002-11-20

«Narrazioa lehenengo pertsonan kontatuta dago, Tximi bera narratzailea delarik, eta ahozko kontakizun bat balitz bezala aurkezten zaigu, honek inplikatzen duen guztiarekin. Honegatik, batzuetan entzuten egongo balitz bezala irakurri behar da nobela hau».

Leuropa, Jon Benito, Beterriko Liburua, 2003-06-01

«Literaturak, egungo arazoak, fikzio iheslaririk gabe, melodrama larderiatsurik gabe jorra ditzakeela erakusten du Pablo Sastrek, azken urteotako lanik interesgarrienetako batean».

Leuropa, J.A., Ostiela!, 2003-12-01

«Ikusten da gauzak diren bezala kontatzen dituela eta egia edo egiantzekotasuna eta bizitasuna lortzen ditu; dokumentazio alarderik egiten ez badu ere, edota are gehiago, datuak era ezkutuan eman arren, ondo dokumentatu da liburua idazteko».

Hemen da paradisua, Aritz Galarraga, Argia, 2019-03-31

«Europa da kontinente bat, ados, kontzeptu geografiko bat, kultural bat, politiko bat. Baina da batez ere amets bat, utopia bat, paradisu moduko zerbait munduko beste hainbat bazterretatik hona lekualdatu nahi duen migrariarentzat».