DAKIDANAREN ERDIA

Narrasean hasi aurretik

badakit

mugimenduak librea behar duela.

Ebakortzek oiak zulatzerako, mahats alea

pipitaz gabetu behar dela, eta lau zati egin.

Sagarra zein udarea laminatan.

Azukre-kotoietan hazten ditugula diote.

Gu sinetsita gaude, aldiz,

haiek baino gehiago dakigula.

Tarteka desio dut

erabat zurztea jakintzaz.

Kolpetik ahaztea dakidanaren erdia.

Txupete bat alkoholetan blai.

Haur bat marruka

sehaskan.