DENBORA PAPURRAK

Komunean eserita zauden bitartean fruta-dendan erosi beharrekoak zerrendatzea. Fruta-dendan erosi beharrekoak zerrendatu bitartean lagunen ahots-mezuak entzutea (Zer moduz bizitza? 1,5x). Aurreko astekoei erantzun bitartean eranztea, eta sartzea dutxara. Dutxatu bitartean gogoratzea garrantzitsua den zerbait (garrantzitsua zen zerbait, lehortzera zoazen ilean katigatuta geratuko zaizuna).

Kizkurrak oraindik tantaka dauzkazula bularra ematera esertzea. Bularra eman bitartean jatea, edatea, beneratzea Kegel, irakurtzea (baldin eta liburua esku bakarrarekin eusteko modukoa bada). Liburua zabalik utzita haurra lokarrarazten ahalegintzea. Lokarrarazi bitartean kantatzea, begiak jausi orduko atzera zabaltzen zaizkiolako ernegatzea, arnasa hartzea sakon, idatzi nahi zenituzkeenak pentsatzea.

Lo dagoen bitartean idaztea. Lo zauden bitartean idaztea.