LOKATZA

Haserre nago

hau dena isilpean gorde zenutenokin.

Isilarazi zintuztetenekin.

Bularrezurraren hondoan

hutsarte zabalxeagoa nuke

aurrez aditzerik izan banu.

Akaso ez litzateke eztarrirainokoa

zikinaren ubera.

Konpultsiboki bilatzen ditut orain

liburuak, podcastak, filmak,

ahotsak, sorbaldak, ispiluak, zubiak.

Asmatzeko nola eman forma

lokatz honi.

Nola egin ahoskagarri.