HERRESTAN

I-rekin gurutzatu naiz bion jaioterrian.

Nire uhinak dantza diskretuan oraindik

alkandora nasai honen pean.

Gurasoen etxe atarian topatu dut,

bi piezatako karrotxoa herrestan.

I da nire lehen txoro-haizea

lehen ezpainak lehen azala lehen galerna

lehen dena.

Izan zena lehen.

Biotako inork ez die bere haurrei jarriko

elkarrekin osatu genuen zerrenda hartako

izen bat bera ere.