GORPUTZA JARTZEAZ

Gorputza jartzea da

zure aurkako pintada parekoaren begiradan.

Erresistentzia.

Erresilientzia.

Da kolpe bat mahaiaren erdian

da eustea.

Elkarri eustea.

Da hemen gaude.

Gorputza jartzea da

dardara.

Insomnio kronikoa

arnasa zatikatua

zornea nonahi

afonia

anginak eta migrainak.

Gorputza jartzea da

immolatzea.

Azazkalak irenstea.

Goserik eza,

eta munduko gose guztia batera.

Gorputza jartzea da

herpesaren sigi-sagak

ornoetan behera.