ALEXANDERPLATZ, 06:12

eta tartean-tartean

oroitzen gara

baginela

orain arte

ere.

Ione Gorostarzu

Bi maleta txiki gurpildun

goizeko lehen tranbia lozorrotuaren zain

gainean elur-lumak

etzaten urtzen desagertzen.

Aurreko gauez sumatu uste izan nuen

lehenengoz mugitzen.

Jarri eskua hemen, esan nizun.

Sentitzen duzu zerbait?

Sudur-puntak antzigar,

negua generaman soinean.

Soinean baino ez.