GURE AMA

Izan nahi ez nuen amak deitu dit gaur.

Leire Bilbao

Ez da etxe txokoan bizi

ez ditu lekaleak bezperatik beratzen uzten

ez zaizkio pastelak behar beste harrotzen:

koloka dauka sukaldeko mahaia.

Bere lagunengandik aldendu zen gutxika.

Aitarenekin elkartzen da orain tarteka,

ez da zaleegia ere.

“Baietz ni joan eta aurkitu”

esaten zigun umetan

—beti atezuan, beti prest— .

“Ni ez naiz horrelakoa izango”

egiten nuen nik zin; eta hala ere

zain-zain egoten nintzaion

behar nuen hori

berak noiz ekarriko.

Gaur neure burua harrapatu dut

gure ama iristear zela-eta

etxeko sukaldea presaz txukuntzen.