HILA BEHAR DU

Hila behar du urliak,

sandia bezala

hila izango da honezkero,

berendia ere ezinezkoa

oraindik bizirik egotea.

Eskelarik ez dut ikusi,

abisurik ez dut jaso,

ez nituen hain gertuko,

ez izaki haien auzoan erle.

Bizirik balira ere

ez nituen berriz ikusiko

ez haien berri jakingo.

Nitaz ere esango du

akaso norbaitek noizbait,

ezin jakin noiz,

ez jakin nahi noiz,

hila behar dudala,

hila izango

naizela honezkero,

ezinezkoa dela

oraindik ere ni bizirik egotea.