EZEREN OKERRIK EZ DELA

Ezeren okerrik ez dela

xxii. mendea iritsiko da,

eta gu xxii. mendera.

Bai, zu ere bai,

nirekin batera

eta ni bezala.

Baina izango dira okerrak.

Nola ez dira ba izango,

okerrik ez izatea bera ere

sekulako okerra litzateke eta!

“Ezeren okerrik ez dela”

esaten dugu hala ere,

gozo, lasai eta pozik,

eta nik oso gustukoa dut

hitz horietan bilatzea,

ziurtasunik ezin eta,

gutxienez

atsegina eta atsedena.