ESKUTRAPUA

Hunkitu ninduen

harri koxkorra

laudatu zuen poetak.

Izan da haren antzera

koilarari eta patatari

begiratutakorik ere.

Eskutrapuari begira

gogoratu naiz horietaz,

dilema bat buruan:

garbitzera bota

ala erabiltzen jarraitu?

Epikoa iruditu zait orduan

esku arteko oihal narrastua,

hain leial, hain etxeko,

hain geure antzeko, hain geu,

lekukorik eta mireslerik

gabeko borroka etengabean.