HITZA GORA EGITEN

Batzuetan gora egiten du hitzak,

adi zein duen aintzat hartu gabe,

bere kabuz eta asmo-peitu,

gora egitea burubide bakar

eta are hori ere gogotik erauzita,

arnasarekin batera arnasaz gaindi

etenik gabeko hats iraunkor airean,

itzuleraz eta etorkizunaz ahaztuta,

inoiz gelditu behar ez balu bezala,

hitza gora eta gora egiten,

unibertso osoa bere baitan,

kaos guztiak harmonia bihurtuta,

hartzeko gauza balitz bezala.