ONENAK EMANDA

Sasoia joan eta gero

izenburua jarri zion

bere liburuari Uztapidek,

onenak emanda zegoela

jabetuta, nonbait.

Adin batetik aurrera

hiltzeko lotsa galtzen dela

diote zaharrek.

Ez gara iritsi

adin horretara,

baina gu ere

sasoia joan eta gero

onenak emanda gaude,

eta David Bowie

hil zenez geroztik

—historiaren amaiera,

Xabier Montoiaren arabera?—

ez du guretzat zentzurik

hiltzeagatik lotsatzeak.