LAZTAN-KOLPEKA

Ez du berezko logikarik laztanak.

Ez du zuzenean ezer eraikitzen,

ezta konpontzen edo sendatzen ere.

Leundutako kolpea da laztana,

laztandua bakean ez uzteko erasoa.

Gerran sartzen du laztantzaileak laztandua.

Leundutako herra da maitasuna,

maitatua bakean ez uzteko erasoa.

Gerran sartzen du maitaleak maitea.

Leundutako zauria da bizitza,

jaiotakoa bakean ez uzteko erasoa.

Gerran sartzen du gurasoak haurra.