BIKIAK

Ez nuen asmatu zer esan

eta bila nabil oraindik

jakin nuenetik

distantzian maite

izan ditudan

amaren izeba bikiak

1939an jaio zirela

haien izenek

bakearen eta garaipenaren

aldarri bat gordetzen dutela.

Amamak errepikatzen du

etxean ez zutela

inoiz gaiaz hitz egin.

Pasadizo berera

bueltatzen da beti:

bikietako bati batzokian

esan ziotenekoa

han ez zela ongietorria

herrian eajk izan duen

gizon boteretsuenetako batek

nola atera zion orduan aurpegia.

Gorgarria da

mahai berean esertzen segitzeko

zulatuta ere gurpilak biratzeko

isildutako dena.

Paz y Victoria,

Maripaz eta Maribi.