Gu gabe ere
Gu gabe ere
2021, poesia
96 orrialde
978-84-17051-79-2
Azaleko irudia: Nagore Legarreta
Itziar Ugarte Irizar
1995, Oņati
 
 

 

KOMUNIKATUA

 

 

Hamar bat urte izango nituen.

 

Teleberria komunikatu batekin ireki zuten;

hiru lagun ageri ziren, aizkora bat, sugea

eta isilik egoteko agindua egongelan.

 

Logelara egin nuen, ohe gainean luze eseri.

Guraso bat etorri zen lehenengo,

eta besteari deitu zion gero.

 

Bakoitza alde banatan jarri zen

eta gogoan dudana hori da:

hiruron irudia armairuko ispiluan.

 

Hau bizi guztian ezagutu dugu guk,

eta nola ez nuen jakin deskodetzen

 

eta hemen gaude edo

ez duzu zertaz kezkatu.

 

Uste izan nuen ukitzea ordea

haiengan ere beldur bat

nigan sartzea nahi ez zutena.