N1-EAN

Koadro kostunbristenean joan nintekeen

orain hain berde dagoela dena

aurrera egiten garrasi egiten

ez banindoan zehazki

kantu honen burbuilan

ehun eta hogeita bat kilometroko abiadan

lurraldea —eta harekin ni—

zeharkatzen duen zain porlanezkoan

hor dator argia eta hor itzala:

irudimenaren gainazal labainkorra

non katuka nabilen

paisaia berrietarako ur bila.