MADRILGO METROAN

Tarteka baino ez nator

eta poliki noa oroitzen

azken aldiko lagunak

bisitatu genituen lekuak

beste ezeren gainetik

arrotz sentitze hau

eskertzen diot hiriari

nola ez naizen hemengo

eta zer gutxi axola didan

horrek guztiak orain

hemen ere elkar zeharkatzen

antzematea bizitzak eta

haiekin paisaian lerrokatzea,

besterik ez lilura une baterako.