VIII. Heriotzari

Etorriko bazara, zergatik ez egun?

Itxaroten baitzaitut. Nekea dut gorri.

Argia itzalita sarrera eman nizun

hain zoragarri eta xalo zaren horri.

Horretarako zernahi eite har ezazu,

oldar zaitez jaurtigai pozoitu bezala,

tifusaren kiratsaz zipriztin nazazu,

gaiztaginen isilez, kolpez jo ahala,

edo zeuk sortutako ipuinaren bidez

aspaldi nazkaraino ezagun den arren,

kartzelarien bonet urdinak hor bitez

atezainen bisaia zurbil agertzearren.

Ezerk ez dit axola. Jenisein latz uhinak,

dirdira egiten du Iparreko Izarrak.

Eta begi maiteen errainu urdinak

estaliko du azken terrorearen karra.

1939ko abuztuak 19. Fontankako etxea