Kleopatra

                               “I am air and fire...”.

                                               Shakespeare

                               “Alexandriako saloiak

                               itzal ezti batek estaliak”.

                                                       Puxkin

Jada Antonioren ezpain zenduak musukatuta,

jada belaunez malkotan Augustoren aitzinean,

eta morroiek traditu. Garaipenaren turutak

arrano erromatarpean, gau iluna heda heinean.

Bere ederrak gatibatu duen azkena sartu da,

altu eta eder, xuxurlan dio nahaspilatu arau:

“Garaikurtzat ibiliko zaitu esklaboen modura...”.

Haren zisne lepoaren kurbak, baina, lasai dirau.

Bihar umeak katean. Lezakeen eginahala

eskasa da: tipo harekin txantxan aritu agian,

eta sugegorri beltz bat, erruki agur bezala,

esku ezaxolaz, jarri bular beltzaran erdian.