IV

Zuri, trufari horri, Tsarskoie Seloko

bekatari alaia, lagun kutunena,

kontatu izan banizu zer zen gertatuko

zure bizialdian ordutik hurrena.

Ehunka andre artean, eskuetan poltsa,

kartzela aitzinean ilaraz ilara,

nola urtaraziko zenuen izotza

Urteberrian zure malkoen sugarraz.

Bertan da kartzelako makala kulunkan,

eta soinurik ez da, baina errugabeko

zenbat bizitza ahitzen ari ote diren han.