VII. Sententzia

Harriaren tankeraz hitza erori zen

nire bular oraino herio gabean.

Berdin du, horretarako prestatua nintzen,

gaindituko bainuen halabeharrean.

Gaurkoan gauza asko ditut egin behar:

oroitzapenak oro daitezen desegin,

bizitza berriz ere bizitzara ekar,

nire arima harrizko bihurtzeari ekin.

Bestela... uda beteko gorizko surmurra

nire leihotik harantz olgeta moduan.

Suertatuko zirela banuen ziurra

eguna argia eta etxea mortua.

1939. Uda. Fontankako etxea