[ni zure menpekoa?]

Ni zure menpekoa? Burua joan zaizu.

Jainkoaren nahiari soilik naiz fidela.

Zirrarak eta minak ez ditut nik haizu.

Senarra dut borrero, etxea kartzela.

Hara! Azken finean, neronez jin nauzu;

abendu berri, landan haize-oihu krudelak,

nire atxiloaldia hain zen atsegintsu,

iluna leihoaren ikusmiran zela.

Eta hala txori batek beira argien aitzi

negu-eguraldi txarrez gorputz osoz taupan

bere hegal zuria odolez du jantzi.

Orain bakea eta zoriona dauzkat.

Agur, nire lasaia, betiko maiteko,

arlote bat etxean hartu duzulako.