[maiteenen arimak]

Maiteenen arimak izarren argitan.

Ederra da nor galdu ez edukitzea.

Negarra libre. Kantak behin eta birritan,

hartan ona Tsarskoie Seloko airea.

Zilarrezko sahatsa aintzira txokoan

igurtziz iraileko ur argien azala.

Nigana hurbiltzen da isilpe osokoan

iraganetik bueltan den nire itzala.

Lira eskegi ugari adarretan zehar,

badu lekurik, antza, nireak orobat.

Eta zirimiri hau, distiratsu, mehar,

aringarri da eta berri on niretzat.