[hilak hogeita bata]

Hilak hogeita bata. Gaua. Astelehena.

Hiriaren siluetak lainoen artetik.

Munduan maitasuna existitzen dena

zein ergelek asmatu zuen ez dakit nik.

Izan alferkeriaz, izan aspermenaz,

denek sinetsi zuten, hala bizi dira:

banantzeen beldurrez, hitzorduei beha,

amodiozko kantak mihitik mihira.

Misterioa eskura jende batzuentzat,

isila haien gainean pausaturik datza...

Neuk espero gabean kausitu dut behintzat

eta geroztik oro gaixo dago antza.