[poetari egin nion bisita]

Alexander Blok-i

Poetari egin nion bisita.

Igandea zen. Eguerdi aroan.

Gela nasaia isil-mamitan,

jela zegoen leihoz kanpoan,

mugurdi tonuz ekia are

ke trinko eta grisari gainka...

Etxekojauna, begiak bare,

niri behatuz isil-gardenka!

Haren begiak halakoxeak,

oroitu behar guziok hola;

hobeki dut nik erne egotea

ez begiratuz haiei inola.

Berbaldi hura ezin ahaztu,

kezko eguerdia, igande aldean,

etxea hain zen gris eta altu

Neva ibaiaren itsas atean.