Sarrera

Orduan gertatu zen, hilak besterik ez

zegienean barre, bere kalman pozik.

Noraezean gainkarga alferrikakoez

han zen Leningrad, bere kartzelen orpotik.

Minaren ondorioz zoroak hartuak

epaituen brigadak hor zehar zebiltzan,

eta lokomotorren sirenak kantuan

elkar banantzearen eresi murritza.

Gure gainean ziren herio izpiak,

oinazez okertzen zen Errusia aratza;

furgoi beltz horietako gurpilen azpian

eta odoldutako boten pean zetzan.