MODELOA

Idazkera edo esku eta aurpegien irakurketa itzulpen lana

    Izan ohi da gehienbat, gizon atsegina

        Askotan seduzitzailea

    Delakoz edo, neskattoa gelditzeko eska diezaioten

        Irrikitan egon daiteke;

Baina andere zahar horren gorputzak berez erakusten du haren gogoa;

Rorschach [1] edo Binet-ek [2] ezer gutxi erants dezakete,

    Ongi eta bizirik dago, ergel batek ere ikus lezake hori;

        Ezen batek larogei urte dituenean

    Gutizia arrastorik apurrena ere

        Nahikoa baita gaisotzeko

Eta desesperazio ukitu bakarra instantean da fatala:

Behin hiriak txanpaina bere zapatan edan omen zuela,

    Eliz-esparruetan itzal handiko

        Umezain izan zela, senarrak bera

    Sasildu edo semea galdu zuela,

        Huskeriak dira orain.

Gertatuak gertatu, iraun du; barkatu du; hemen da.

Pintoreak atsegin har dezake; anderea parke ingelesez hornitu,

    Txinako arroz-soroz, auzune-eraikuntzaz;

        Ortze argiz edo ilunez;

    Atzean balusa berdea edo adreilu gorriko horma paratu.

        Andereak konposatuko du hori dena,

Begiak giza-osagarri funtsezkoenetara gidatuz.

[1] Rorscharch: psikologo suitzarra (1884-1922); test bat asmatu zuen, gizakiak formak eta koloreak antzemateko duen moduan oinarriturik.

[2] Binet: psikologo frantziarra (1857-1911); adimen testak asmatu zituen.