AGENTE SEKRETUA

Igaro-agirien kontrola zen, bazekien jakin,

Barruti berrirako giltza, baina nola erdietsi?

Bera, espioi trebatua, segadan zuen erorrarazi

Sasi gidariak, trikimailu zaharrez liluraturik.

Greenhearth primerako lekua zen urtegi baterako

Eta botere errazerako, geltoki batzuk hurbilago

Bultzatu zuten trena. Gor egin zieten telegramei:

Zubia eraikitzeke zegoen eta gatazka gertu.

Kale musikak atsegina dirudi asteak eta asteak

Desertuan emandakoarentzat. Urak esnaturik

Lasterka ilunbetan, maiz egin dio destaina

Gauari jadanik amestutako adiskideagatik,

Tiro egin dezakete, noski,

Aise bereiziz sekula elkartu gabeko bi.