ESAN AHAL BANIZU

Denborak, erran nizun, ez du deus esanen,

Denborak guk ordaindu beharrekoa daki soilik;

Erran ahal banizu jakin araziko nizukeen.

Negar egin beharko genuke pailasoen emankizunetan,

Estropezu egin beharko genuke musikariek jotzean,

Denborak, erran nizun, ez du deus esanen.

Ez dago zoria igertzerik, dena den,

Erran ahal baino gehiago maite zaitudalakoz,

Erran ahal banizu jakin araziko nizukeen.

Haizeak jotzean nonbaitetik etorri beharko du,

Arrazoirik izan behar du hostoak zimeltzeko;

Denborak, erran nizun, ez du deus esanen.

Beharbada arrosek benetan hazi nahi dute,

Ikuskaria benetan saiatzen da irauten;

Erran ahal banizu jakin araziko nizukeen.

Demagun lehoi guztiak jaiki eta badoazela,

Eta ihes dagitela erreka eta soldadu guztiek;

Denborak, erran nizun, esanen ote du deus?

Erran ahal banizu jakin araziko nizukeen.