NOBELAGILEA

Uniforme gisako talentoaz kateaturik,

Aski ezaguna da poeta ororen gradoa;

Ostotsaren gisan harri gaitzakete,

Edo gazte hil edo bakarrik bizi urtetan.

Husar-en gisan eraso dezakete: baina berak

Jaso dohaiak borrokatu behar ditu eta ikasi

Nola izan ulergarri eta zaila, nola izan

Burua jiratzea merezi ez duten horietakoa.

Ezen, desiorik argitsuena erdiestearren,

Bihurtu behar baitu asperrenetan asper,

Maitasun gisako kexu arruntei loturik, Justuen

Artean Justu, Zikinen artean Zikin,

Eta bere baitako ahuldadean, ahal badu,

Gizonaren akatsak oro apal eraman.