kritikak:
Bizitza bera, Javier Rojo,
El Correo, 2014-10-25
«Aurkezten den ikuspuntua ilun samarra da. Subjektu poetikoa (anonimoa, poeta zein fikziozkoa) helduaroan kokatuta dago eta, bizitzaren parterik handiena artxibatuta daukala jakinda, lehenaldira begira dagoenaren ikuspuntua aurkezten du».
Joan-etorriaren menpe, Hasier Rekondo,
Berria, 2014-10-26
«Norbaitek argudia dezake poema solteek poema liburua osa dezaketela. Liburu honen kasuan ez da horrela gertatzen. Irakurleak berak arakatu beharko du zergatietan, elkarrizketa idiliko horren atzetik».
Ahaztuta geneuzkanaz, Igor Estankona,
Argia, 2014-11-09
«Intelektualizazioak utzi eta bihotza hunkitzen duen poesia filosofikoa da Urari ostutako poemak. Tituluak iradokitzen duen legez, poemak existitzen ziren lehendik. Orain munduaren korronteak ekarri dizkio Pako Aristiri berak transkriba ditzan, esaldiak errepikatuz eta errepikatuz».
Bizitza ez lekua baita, Mikel Asurmendi,
argia.eus, 2014-12-16
«Poesia hitza baita, poetarentzat bizitza, eta honen lekua xerkatzea utopikoa. (Poetarentzat) bizitza ez lekua baita. Bizitza nola, poesia ez lekua da, leku irreala, izaterik ez duen lekua, inon ez dagoen lekua».
Mugarria, Iker Zaldua,
Gara, 2015-01-11
«Tonua aldatu du eta poemak lirikoagoak iruditu zaizkit, kontakizunetik urrunduz zenbaitetan. Gustatu zaizkit, asko, zenbait lerro eta nire esku-zorroan eramateko modukoak iruditu zaizkit».
