Euridizeren sonetoa

Euridize galdurik eta itsasoaren

Usain eta ahotsetan Orpheoren bila:

Zeru-lurrak hartzen dituen absentzia,

Mundu osoa isiltasunez duena estaltzen.

Halaxe behe-lainoko goizak nituen edan

Eta bizirik egoteari eta ni izateari utzita

Bilatzen nuen enea zen aurpegia,

Ene aurpegi zinezkoa sekretuan.

Haatik ezin zu kausitu nola itsasoetan hala

Ispilukerietan. Bakarrik zen ageri

Paisaiaren aurpegi leun eta birjinala.

Eta garden bilakatu nintzen poliki

Zure irudira jaiotako hilotz bat bezala

Munduan galdua elkor eta antzuki.