Apolo Musageta

Hi hintzen lehenbiziko egun oso eta aratza

Zeruertzak laudorioz blaitzen zituena.

Hi hintzen lerro bakoitzean mintzo zen espiritua

Hi hintzen goizaldea loretan zena

Itsasoko haizeñoak kulunkatua.

Hi hintzen espazioetako haizea edaten zuen oihala

Hi hintzen keinu distiratsu zabala

Bi beso mugagaberen artekoa.

Hi hintzen itsasoaren araztasuna eta indarra

Hi hintzen maitasunezko ezagutza.

Ametsa eta presentzia

Loratzen ari den bizi batena

Bizi jabedun eta airean esekia.

Hi hintzen izari gorena, kanon eternala

Aratz, akasgabe eta harmoniaz eraikia

Biziaren bihotzean eta biziaz haraindi

Ezkutuko erritmoen bihotzean.