LOHADAR MAITATUAK BERRIRO

Primula elatior elatior lilitu berria

—zenbat aldiz, amets anbiguoetan—

mundua oraindik da

ederra hasieran.

Zenbat aldiz irudi horiek

hasierakoak, gehiegizkoak,

bizkarretik odoletan

gure ezpainetako odola etcetera.

Eta orain zure eskarmentua nire

haragi arean eroriekin.

Alanbreetan ileak, ezpainak gorri.

Eros esanez: hauxe zen, ai, hauxe zen.

Hogeita batgarren mendean hilko gara biok, laztana.

Gero ez dugu gehiago

elkar ikusiko.

Unibertsoa haziz eta haziz,

eta gure etxe txikian

ez da ia arroparik behar.