PANTERA ARROSA

Gau haiek ziren tungstenozkoak

euliak zebiltzan herri guztitik

guk bizikletak uzten genituen

ametsen muga

hautsezkoetan.

— Aurrera.

Eta errekako ura zen marmol beltza.

Hemen nago.

Denok argazki pelikuletan gaude.

Behin etxera bueltan nindoala

mutil hura, Toni Kukoc, ikusi nuen, jada drafteatua.

Mamu bat ematen zuen.

Esan zidan zoko guztiak arakatu zituela baina

ezin zuela aurkitu Dino Radja.