DROGAZALEAK

Bazirudien Ibarran edo Egiriñaon geundela

seiko bat txabola

artzain-sarobe batean

eta denen artean ageriena zein?

Zein azkar eta ederren?

Inguru guztian pago eta haritz ezkurrak

lizarren eta likidanbarren azpian.

Orozkoko pastoreen txabolak dira

berba gutxikoak Orozkoko

pastoreak

behin batek esan zidan ezin uler zezakeela zergatik

edaten zuen jendeak alkohola

bera mozkortzen zela ikusi hutsarekin pagoak

Lekandako maldan

eta maiatzean gora begira jarriko dela berriro

itzuli nahian izarretara eta Luxorreko edo Texcocoko

etorbide zabaletara.