IGORREKO MISTERIOA

Zenbat urte izango genituen

mila, hamasei?

Zeru hori bat sutan,

gauaren sokak?

Amaigabeko udaldi laburrak ziren-eta

beharbada bai.

Itzuli naiz bide haietara

deika ibili naiz non zauden

galduta egon zarena orain arte.

Oroitzapen baten antzera, euliz beterik,

non zaude,

utziko al dit etorkizunak berriro ukitzen

zure bular berde ilunok,

hitz egiten eta hitz bat esan orduko

ahazten heriotzaren kea bezala

zenbat urte geroago datorkit berriro hau

oroimenera

mila, hamasei?