BERROGEI URTE
BETE ORDUKO
ZEKIEN BEREZKO
EDERTASUNAZ

Hurrengo egunean,

zortziak aldera,

intsektu moreak gure

bila etorri aurretik

leihoa ireki zuen

norbaitek eta handik

atera zen Neil Youngen

ahotsa eta Neil Youngen

ahotsa entzunez egon

ginen hamarrak arte,

harik eta zeruari

izarrak irten zi-

tzaizkion arte, eta

maitasun apur batzuk

jarri zenituen ezpainen

artean eta ni haraino

airatu nintzen txoriku-

meen antzera, zu eta

zure jana bata bestetzat

hartuz eta ehun urte

barru ere, Himalaien

gainetik deitzen badidazu

hara egingo dut ja-

kin gabe deus elurrez.