MUNSTROAK

Hodiak asmatu nituen beldurrentzat

altuerak jarri nizkien nire zeruei.

Irudipena daukat bidaiatu dudala itzultzeko hara,

Palermora,

itsasontzien bideetatik

zuk piztu duzun laberaino.

Erasoari ekin diote mongoliarrek, goiza lehertuko da.

Txoriak ere erortzen dira zerraldo basoan aizu,

ordu batzuen buruan janda daude:

zelan kantatu dute, ondo kantatu dute?

Eta nik ahalko banu idatzi ezetz diotenek bezala

bakea eta guda izango nituzke

edukiko zintuzket lurrean zein ametsetan

etengabe gatazka.

Doazela gauzak

beren gisara.

Ezerk ez du garrantzirik.