DE INVENTIONE

Gau osoa gidatzen kamioilariari

begiak ixten ari zaizkio.

Ez eman musu emakume horri zuk ere

arriskutsua da.

Txinpartaka dabiltza arrainak

Bermuda uharteen inguruan

eta zu, beldurti eta neurritsua izan arren

bere ezpain gris perfektuei begira

hondoratuko zara.

Ardoa zangoen artetik

handik edango dute lorategiko

gonbidatuek, denak hilda eta soilik zuok biok

bizirik eta

Dylan Thomas.

Maitasun hori izango da asmatua

alkondara kendu eta usainduko diozu papar bat

garbia, buru bat

kirruz betea, zein ederra den

marmola, bidali zintuzten

lurrera guri inbidia ematera, madarikatua,

umeak izan ditzagun, madarikatua.