NOLA EZ ITZULI

Arrosa batzuk moztu nituen

eta ez ziren ihartzen ez ziren ihartzen

berriro biziko al dira nire lagunak

loreen ipuinetan txanponen ipuinetan

udako ipuin amaigabeetan.

Berriro laugarrenez dago haurdun

berriro laugarrenez nire neska

duela ehun urte burua jarri nion sabel gainean

uraren ertza zenean zeruaren ertza

Mumia Abu-Jamalen diosala interneten:

espetxeetako naziotik ni naiz Mumia Abu-Jamal.

Atsegin dut mintza dakigun ze

gogorarazten dit justu gaur dela

bidearen eta borrokaren kontinuuma, laztana,

bide horrek daroala bide itsu batera

han jaiotzen dela ibai bat

mila ibairen isurkide, mila ibairen isurkidea.