GALDU ZUENAREN LANTUA

        Badira nahiago luketenak euskara galdua balego.

        Batzuk euskararen etsaiak dira, beste batzuk euskararen maitaleak.

        Euskara galdua balego, argudio politiko bezala erabili ahal izanen lukete maitaleok: «Zuek hil zeniguten!», eta malkotan urtuko lirateke, madarikaziorik saminenak jaurtiko lituzkete erahileen gainean.

        Hizkuntzak ez dira tresna hutsak. Euskarak sentimenduak transmititzen ditu, eta euskara galduarena ere bai, erdaldundu askori.

        Euskara ez da arkadia idealizatu bat, Orozkoko baratzea.

        Inguruan daukate, bizirik, bere atsegintasun guztiekin, erabilgarri, alegia, hilezkor egiteko, maite dutenek.

        Oterok politikoki interpretatzen du mutilazioa: «nik eskubidea neukan». Entzuteko minak esaten dizkie, saihetsetik, amonaren hizkuntza hura transmititu ez ziotenei, aldrebestu egin nahi luke, euskal poeta (ere) izan.