ABERTZALETASUNA

        Si muere el euskera, es porque no hay patriotas, idatzi omen zuen Sabino Aranak.

        Abertzaletasunak zeregin handiak ditu. Aberria du helburu, eta euskarak dauzkan arazoetarik bat baino ez da.

        Horixe, arazo bat euskara, «beste hizkuntza hori».

        Euskal Herriak mila arazo dauzka, erdalduna izatea du bat.

        Euskararena, ez du lehentasunetan. Horren ahulak gara euskaldunok, ezen gure poetek ere, apal, traba egiten dugula aitortzen baitute.

        Gure arazoetan, euskaldunon arazoetan, Euskal Herria ez da beste arazo bat besterik ez.